Wednesday, December 22, 2010

තාත්තාගේ කවිය...

2 comments



නැටුමට නුහුරු මුත් අත් පා සවිය ඇතී
ගැයුමට නුහුරු මුත් කට හඬ එඩිය ඇති
වැයුමට නුහුරු මුත් ජීවන ස්වරය ඇතී
නොවෙතත් සුපිරි තරුවක් නුඹ අගේ ඇතී.. . . . .


පණීභාරත නොවේ නුඹ මයිකල් ජැක්සන්.
මිල්ටනුත් නොවේ නුඹ මිහිරංග සෙහාන්
ගාමිණී වගේ නොවේ නුඹ අමිතාබ් බච්චන්
නුඹ නුඹ වගේ පුතුනේ නුඹ නුඹම වෙයන්.............


මතකද එදා දුර දිග බැලු දීඝායූ
මාතුපෝසකයි මව කර පිට පීනූ
දම්පල් තුමා වගේ රට දැය ගැන සිතුනූ
වෙයන් පුතුනි එයමයි නුඹෙ උරුමෙ දිනූ………

-පුතා




කැලුම් නිරංජන

Saturday, November 13, 2010

දෙවන වර අභියෝගය........

14 comments

හින්ද රාජපක්ෂ ජනාධිපතිවරයාගේ තම දෙවන ධූර කාලය නීත්‍යානුකූලව ඇරඹීමට තව ඇත්තේ සතියක පමණ කාලයකි.පලමු ධූරකාලය නිමා වන විට ලෝකයේ අපට බහුල උදාහණ ඇත්තේ තම මුල් ජනප්‍රියතාවය අඩු වූ පාලකයන් වුවත් මහින්ද රාජපක්ෂ ජනාධිපතිවරයා පෙන්නුම් කරමින් සිටින්නේ එහි විලෝමයයි.2005 දී ලද කෙසඟ ජයග්‍රහණය අබිබවා යමින් දෙවන වර ලැබූ අති දැවැන්ත ජයග්‍රහණයෙන් වසරකට පමණ පසුව දෙවන ධූර කාලය නිල වශයෙන් අරඹන මොහොත වන විට රටේ යහපත් ඉදිරි ගමන් මග වෙනුවෙන් මෙවර ඉටු කල යුතු යුතුකම් සහ වගකීම් රාශියක් ඔහු හමුවේ ඉතිරිව පවතී.පලමු ධූර කාලයේදී ඔහු හමුවේ තිබූ සහ ඉතාමත් ප්‍රශස්ථ ලෙස ජයගත් බරපතල අභියෝගය සමග සැසඳිමේදී මෙය එතරම් දෙයක් නොවේ යැයි යමකු සිතුවත් කාරණය බරපතල වන්නේ පලමු අභියෝගය ජය ගැනීමට ඔහුට ජවය සැපයූ ජවාධික පරිවාර සේනාංකය වැනි සහායක බල ඇණියක් මෙවර අභියෝගය ජය ගැනීමට සිටීද යන පැනය මතු වන බැවිනි.කෙසේ වෙතත් කුමන බාධක හමුවේ වුවත් බහුතර ජනයා අපේක්ෂා කරන්නේ තමන් අපෙක්ෂා කල තැනට රට ගමන් කරවීමට වත්මන්මහින්ද රාජපක්ෂ පාලනය කටයුතු කරාවිය යන්නය.සාතිශය බහුතර ජනයා මහින්ද රාජපක්ෂ පිලිබඳ තවමත් නොසිඳුනු විශ්වාසයකින් කටයුතු කරන්නේ එම අපෙක්ෂාවෙනි.බහුතරය තවමත් එසේ විශ්වාසයෙන් පසු වුවත් තවත් කොටසක් ඉක්මන් ප්‍රතිපල අපෙක්ෂාවෙන් සිට එය නොලැබේයැයි කලින්ම තීරණය කර මඳක් පසු බසිමින් සිටී.නමුත් ඒ කොටස්වලද යටි සිත් මහින්දගෙන් යහපත් යමක් සිදුවේයැයි අපෙක්ෂා කරන්නේ යැයි පැවසීම මුසාවක් නොවේ.

ඒ අතර වත්මන් පාලනයෙන් දේශපාලන ලෙස නනත්තාර කරවූ කොටස් (එජාප ,ජවිපෙ මෙන්ම ඉතුරු බිතුරු වූ කොටි වලිග මෙන්ම රටට වින කෙටූ ඊනියා රාජ්‍ය නොවන කල්ලි ) තම තමන්ගේ දෙශපාලන ශරීරයන් තව දුරටත් ජීවී තත්වයෙන් පවත්වා ගැනීමේ මාරාන්තික අරගලයක නියැලෙමින් සිටින අයුරු දැකිය හැකිය. එහි කොටස් ලෙස සමහරුන් ගම දිනා ගැනීමට යැයි කියා ටයි කෝට් හැඳ වෙල් එලිවල දුව ඇවිදිදී තවත් කල්ලියක් තමන්ට සුපුරුදු ලේ සොලවන අරගලයකට අවශ්‍ය මානසික ශක්තිය තම කාඩර්වරුන්ට සපයන ක්‍රියාකාරකම් වේගවත් කරමින් සිටින අයුරු දැකිය හැකිය.මොන දහන් ගැට දැම්මත් අවසානයේ තමන්ගේ ප්‍රත්පත්ති ,බටහිර අවශ්‍යතා පෞද්ගලික අවශ්‍යතා සහ පක්ෂ අවශ්‍යතා යන පටු සීමාවෙන් ගලවා ගෙන රටේ අවශ්‍යතා වෙනුවෙන් සකස් කර ගැනීමෙන් තොරව මහින්ද රාජපක්ෂගෙන් එල්ල වූ දේශපාලන අභියෝගය ජය ගත නොහැකි බව මෙම කල්ලි අවබෝධ කර ගත යුතුය.මහින්දගේ රටට හිතරකර ගමන් මග (එය මිත්‍යාවකැයි,රැවටීමකැයි කියා අවශ්‍යනම් කෙනෙකුට නොසලකා හැරිය හැක.එය සනාථ කිරීමට උවමනා නම් උදාහරණද එකින් එක පෙනවා දීමටද යමෙකු ඉදිරිපත් විය හැක.නමුත් අප මෙහිදී සලකන්නේ එක් එක් වියුක්ත කාරණා නොව සමස්ථය වන බැවින් රාජපක්ෂ පාලනය පරම පිවිතුරු පරමාදර්ශී එකක් නොවූවත් එහි සම්ප්‍රයුක්තය රටට හිතකර එකක් යැයි පැවසීම අතිශෝක්තියට නැගීමක් නොවේ ) අභිබවා යා හැක්කේ වත්මන් පාලනයේ අඩු පඩු මෙන්ම යහ ලක්ෂණද එක පමණට විසල් මනසින් දකිමින් එය අභිබවා යා හැකි දැක්මකින් සන්නධ වන දේශපාලන ව්‍යාපාරයකට විනා තැන තැන සිදු කරනා අක්‍රමවත් සාම්ප්‍රදායික දේශපාලන ගරිල්ලා පහරදීම් වලින් නොවේ.

ඒ අතින් බලද්දී එවැනි මාවතක් පේන තෙක් මානයක නොමැති බව පැහැදිලිව පෙනේ.නායකත්ව අර්බුධයෙන් ගිනිගෙන දැවෙන තම පක්ෂ අභ්‍යන්තරය තම තමන්ගේ පෞද්ගලික වාසියට ගැලපෙන අයුරින් කළමනාකරනය කර ගැනීමේ සටනට මුහුණ දී ඇති එජාපයෙන් මේ මොහොතේ එවැනි විදග්ධ මැදිහත්වීමක් අපෙක්ෂා කිරීම නිරර්ථක උත්සාහයකි.වත්මන් නායකත්වයේ විජාතික ඒජන්ත ස්වරූපය මකා දැමීමට වෙල් දෙනි දිගේ දුව පැන ඇවිදිමින් සිදු කරනා නාටක , ගම දිනා ගැනීමට කේසේ වෙතත් පක්ෂ නායකත්ව අසුන රැක ගැනීමටවත් ප්‍රමාණවත් වේ දැයි සැක සහිතය.
ඒ අතර ජාතිකත්ව මගෙන් තීරණාත්මකව පීලි පැන්නවූ තම පක්ෂට ඉන් පසු උරුම වූ යලි සකස් කර ගත නොහැකි තරමේ දේශපාලන අනථභාවයෙන් පීඩා විදින ජවිපෙන්ද තව දුරටත් එවැනි අර්ථවත් මැදිහත්වීමක් අපේක්ෂා කල නොහැකිය. (71 /88-89 දීවත් ඔවුන් මේ තරම් දේශපාලන නන්නත්තාරවීමකට ලක් වී නැතැයි සිතේ.එයුගයෙදී මර්දනයේ දඬු අඬුවට හසු වුවත් ඔවුන්ගේ දේශපාලන පෞරුෂය සමාජය ඉදිරියේ මේ තරම් හෑල්ලූ වූ අවධියක් නොමැත.සරසවි තුලින් පැන නැගී ඇති වත්මන් තත්වය හමුවේ යලි සමාජය ඉදිරියේ යම් කිසි දුරකට ක්‍රියාකාරී වීමට ඔවුන්ට ආවස්ථාව උදා වී ඇත්ත් එයද තාවකාලික වනු ඇත.)

විකල්ප මැදිහත්වීමක් අපේක්ෂා කල නොහැකි මේ මොහොතේ රාජපක්ෂ පාලනයේ වගකීම විය යුත්තේ ලැබී ඇති ස්වර්ණමය අවස්ථාව ලෙහෙසියට නොසලකා වගකීමෙන් කටයුතු කරමින් රට නිවරදි මාර්ගයට ගැනීමට සක්‍රීයව මැදිහත්වීමය.එසේ නොමැතිව 77 දී 5/6 ක පාර්ලිමෙන්තු බලයකින් සමන්විත වූ JR‍ පාලනය මෙන් ඉබාගාතේ ඇවිද්දහොත් සිදු වන්නේ ඉතිහාසයෙ JR ට උරුම වූ තැනම මහින්ද රාජපක්ෂටත් උරුම වීමය.එපමනක් නොව JR රට පත්කල විසකුරු තැනටත් වඩා ශෝචනීය තැනකට රට පත්වීමය.තාවකාලික උන්මාදය ගෙන එන සබන් බුබුළු සංදර්ශන වෙනුවට දීර්ඝ කාලින දැක්මක් සහිතව රට මෙහෙයවිය යුත්තේ එබැවිනි.පලමු ධූර කාලයේදී රටට අත් කරදුන් විශ්ෂ්ඨ ජයග්‍රහණය මල් පල ගැන්විය හැක්කේ එලෙස පමනි.

මෙහිදී මූලික අවධානය යොමු වී ඇත්තේ සංවර්ධන ක්‍රියාදාමය වෙතටයි.එහිදී බොහෝ දෙනා අපෙක්ෂා කරන්නේ තම තමන්ගේ ඇසට අසුවන භෞතික සංවර්ධනය පමනි.නමුත් ඒ බටහිර සංවර්ධන උපාය උපක්‍රම අභිබවා යන අපට උරුම අපේම සංවර්ධන මාවතක් සකසා ගැනීම කර යුතු මුඛ්‍ය කාර්යයකි.සිංගප්පූරුව හෝ මැලේසියානු පන්නයේ කොන්ක්‍රීට් සංවර්ධනයක් වෙනුවට අපෙ රටට උරුම සංවර්ධන මාවතක් නිර්මාණය කර ගත යුතුය.එහිදී පුද්ගල අවශ්‍යතා සම්පූර්ණ කර ගැනීමට ඕනෑම කැප කිරීමක් කිරීම වෙනුවට පුද්ගලයා සහ සමාජය ගැන එක ලෙස සිතා පරිසසරය කාබාසිනියා නොකරන පරිසරය හා සම්බන්ධ තිරසාර සංවර්ධන පිලිවෙතක් අනුගමනය කිරීමෙන් තොරව සිදුකරනා මොන යම් හෝ සංවර්ධන ක්‍රියාවලියක දීර්ග කාලීන ප්‍රතිඵලය යහපත් එකක් විය නොහැක.එයින් අදහස් කරන්නේ භෞතික සංවර්ධන ක්‍රියාමාර්ග නවතා දැමිය යුතු බව නොවේ.ක්ෂණික ප්‍රතිඵල අපෙක්ෂාවෙන් ඔබ්බට ගිය දීර්ඝ කාලීනව අවම වශයෙන් තව වසර 50 වත් ඉදිරිය දකින සංවර්ධන ඉලක්ක වෙනුවෙන් වහ වහා පියවර ගත යුතුය.එහිදී මාර්ග ,විදුලි බලය , වරාය ,ගුවන් තොටුපොළ ආදී ප්‍රමුඛ අංශවල සංවර්ධනය වඩා වැදගත් වන අතර එයට සමගාමීව මෙරට ප්‍රමුඛම ක්ෂේත්‍රය වන කෘෂිකාර්මික අංශය කෙරෙහිද දැනට වඩා සක්‍රීය මැදිහත්වීමක් කිරීම අත්‍යවශ්‍ය වේ.රජය මේ අංශවල සිදු කරනා බොහෝ ක්‍රියාකාරකම් වල දැනට ඇත්තේ සංදර්ශනාත්මක ස්වරූපයක් පමණි.යහපත් බොහෝ කාර්යයන් ආරම්භ වුවත් ඒවා දීර්ඝකාලීන වැඩපිලිවෙලකින් යුක්ත නොවීම නිසා බොහෝ ඒවා අතර මග ඇනහිටී,තවත් ඒවා ලත් තැනම ලොප් වී යයි.උදාහනණයක් ලෙස 'අපි වවමු රට නගමු' වැනි ප්‍රශස්ථ සංකල්පයක් ප්‍රදර්ශනාත්මක අර්ථයෙන් පමණක් ක්‍රියාවට නැගුන මුලදී බොහෝ දෙනා ඒ වෙනුවෙන් සක්‍රීයව තම දායකත්වය සැපයීය.තම නිවසේ ඇති කුඩා ඉඩ කඩෙන් පවා ප්‍රයොජන ගැනීමට උනන්දු විය.නමුත් ප්‍රදර්ශනාත්මක කාලය අවසන් වීමෙන් පසු ඒ ගැන යෙදු අවධානය නැතිවී යාමෙන් නැවතත් පරන තැනටම පත් වීමට සිදු වී ඇත.
ඒ සමගම සංවර්ධනයේ ප්‍රමුඛතා හඳුනා ගෙන කටයුතු කිරීමද මීට වඩා ක්‍රමවත්ව සිදු කල යුත්තේ දැනට ඒ අතින් පෙන්වන සාර්ථකත්වය ගැන සෑහීමට ලක් විය නොහැකි බැවිනි.සංචාරක කර්මාන්තය දියුනු කිරීමේ අරමුනෙන් යයි කියා මෑතකදී කැසිනෝ පිලිබඳ පනතක් කඩි මුඩියේ සම්මත කර ගැනීම එම ප්‍රමුඛතා සැලකිල්ලට නොගන්නා බවට කදිම උදාහරණයකි.සංචාරක කර්මාන්තයේ දියුණුව අපේක්ෂාවෙන් නම් කැසිනෝ පනත සම්මත කර ගැනීමට පෙර කල යුතු කාර්‍යයන් රාශියක් ඉතිරිව පවතී.සංවර්ධන ක්‍රියාවලියේදී සිදුවන මෙවැනි අඩුපාඩු අවම කර ගැනීමට නම් ඒකාබද්ධ ආර්ථික සංවර්ධන උපායක් අනුගමනය කල යුතුය.ආර්ථික සංවර්ධන අමාත්‍යාංශය පිහිටුවීම හරහා ජනාධිපතිවරයා බලා පොරොත්තු වන්නට ඇත්තේ මෙම අරමුනයි.එබැවින් දැන් කලයුත්තේ ඒ සඳහා පෙරට වඩා ක්‍රියාශීලීබවකින් මෙම අංශ ක්‍රියාත්මක කිරීමය.

නීතිය හා සාමය සුරැකීම අතින්ද දැනට වඩා ඉහල සඵලතාවයක් වෙනුවෙන් අවශ්‍ය ප්‍රතිසංස්කරණ නොපමාව සිදු කිරීමද අත්‍යවශ්‍ය කාර්යයකි.විශේෂයෙන් පොලිස් සේවය මුල සිට අග දක්වා පූර්ණ වෙනස්කමකට ලක් නොකරන්නේ නම් යහපත් සමාජයක් බිහි වේ යැයි බහුතරය තුල ඇති අපෙක්ෂාව උපන් ගෙයිම වල දැම්මාට වරදක් නැත.8 සමත් පොලිස් සේවයක් වෙනුවට උගත් මනා ලෙස පුහුණුවක් ලත් නිලධාරීන්ගෙන් යුත් විධිමත් පොලිස් සේවයක් බිහි කර නොගන්නේ නම් තව දුරටත් සිදුවන්නේ මේ මජර ක්‍රමයම විකාශනය වීමක් පමණි.ඒ අතර දෙලක්ෂ පනස්දහසක් පමණ වන හමුදා සාමාජිකත්වයද හැකියාව ඇත්නම්( දැනටමත් ක්‍රියාත්මක වන පරිදිම ) සංවර්ධන කටයුතු සඳහා මැදිහත් කර ගත යුතුය.විශේෂයෙන් උතුරු පළාත තුල දියත් කර ඇති සංවර්ධන කටයුතු වලට තව තවත් ඒ දායකත්වය යෙදවිය යුතු අතර එහිදී හමුදා සාමාජිකයන්ට අමතර ප්‍රතිලාභ ලැබෙන වැඩපිලිවෙලක්ද සැකසිය යුතුය.

මේ කුමන කාර්යක් කිරීමටත් රට තුල දේශපාලන ස්ථාවරත්වය ආරක්ෂා කර ගත යුතුය.මහින්ද රාජපක්ෂට ඒ වෙනුවෙන් ඒ තරම් මහන්සි වීමට හේතුවක් නොමැත්තේ පසු ගිය මැතිවරණයෙන් ජනතාව නොසෙලවෙන බලයක් ලබා දී ඇති බැවිනි.පෙරදී මෙන් පාර්ලිමෙන්තු ඔලුගෙඩි සෙල්ලම් තුලින් ආණ්ඩු පෙරලිය නොහැකි වන සේ ස්ථාවර බලයක් ආණ්ඩුව සතු වන බැවිනි.නමුත් දේශපාලන ස්ථාවරත්වය රැක ගැනීම සඳහා නොව විපක්ෂය නැති බංගස්ථාන කිරීමේ අරමුණින් මන්ත්‍රීවරු බිලී බෑමද වහා නතර කල යුතුය.වරප්‍රසාද වරදාන ඇමති තනතුරු ලබාදී තම පිල තව තවත් ලොකු කර ගැනීම හරහා තම පිල මෙන්ම එමගින් පොදු මහජනයා මත වැටෙන නාස්තිකාර වියදම්ද වැඩි වනු ඇත. පලමු ධූරකාලයේදී නම් යුද්ධය අවසන් කිරීමේ අරමුණින් තිබිය යුතු දේශපාලන ස්ථාවරත්වය රැක ගැනීම වෙනුවෙන් කලා යැයි එය සාධාරනය කල හැකි නමුත් 2/3 ත් අබිභවා ඇති මේ අවස්ථාවේ සිදු කරන එවැනි ක්‍රියා මගින් සිදුවන හානිය ගැන මහින්ද රාජපක්ෂ මහතා දැඩි අවධානය යොමු කල යුතුය.(රජයක් පිහිටුවන කාලයක් පිලිබඳ ඉඟියක්වත් නොමැතිව ලත වන විපක්ෂ මන්ත්‍රීන් තව තවත් ආණ්ඩුවට ආකර්ෂණය වීම ඉදිරියේදීත් සිදුවිය හැකි නමුත් එය පාලනය කර ගැනීමේ කිරීමේ වගකීම ආණ්ඩුවට පැවරේ. )ඒ සමගම රජයේ සමහර මැති ඇම්තින් ගේ ජනතාව නොඉවසනා අමන ක්‍රියාමාර්ග හමුවේ ජනාධිපතිවරයා අනුගමනය කරමින් පවතිනා නිද්‍රාශීලී පිලිවෙත පිලිබඳවද බහුතර ජනයාගේ (මේ පාලනය ගැන ඉමහත් බලාපොරොත්තු තමා සිටිනා ජනයාගේ පවා ) ඇත්තේ කිසි සේත්ම යහපත් ප්‍රතිචාරයක් නොවේ.ඔහු වටා සිටිනා දුසිම් ගනනක් වන උපදේශකයනේ වගකීම විය යුත්තේ මෙම ජන මතය ඔහු වෙත ඉදිරිපත් කිරීමය.
එසේ නොවුවහොත් ස්ත්‍රී දූෂකයන් , කුඩු වෙළඳුන් , මැරයන් මග සහවාසයෙන් පවත්වාගෙන ගිය පෙර රජයන්ගෙන් මේ රජය වෙන් කර ගැනීමට නොහැකි වනවා ඇත.එය මහින්ද රාජපක්ෂ ජනාධිපතිවරයාගේ දෙශපාලන සෞඛ්‍යට නම් කෙලෙසින්වත් හිතකර නොවනු ඇත.

දූෂණය සහ නාස්තිය යන්න ආසියාතික රටවලට පමනක් නොව 'සුදු' යුරෝපයේ ආණ්ඩුවලටද එල්ලවන පොදු චෝදනාවයි.ආසියාතික රටවල් වලදී මෙම චෝදනාව තවත් උස්ව නැගෙයි.ශ්‍රී ලංකාව තුලද එහි වෙනසක් දැකිය නොහැක.මාරුවන් මාරුවට සෑම විපක්ෂයක්ම පවතින ආණ්ඩුවට මෙම චෝදනාව එල්ල කිරීම පුරුද්දක් කර ගෙන සිටී.සෑම විපක්ෂයක්ම පොදුවේ නගන මෙම චෝදනා බොහෝ දුරට ඒ ඒ පක්ෂවල දේශපාලන අරමුණු වෙනුවන් කරනා තාවකාලික සංදර්ශන විනා සැබෑවන් නියම පරිමාණයෙන් නිරූපණය වන්නක් නොවේ.[මෙයින් අදහස් කලේ ආණ්ඩුවල දුෂණය හා නාස්තිය නැති බව නොවේ.විපක්ෂ බොහෝ දුරට චෝදනා කරන්නේ ලොකුම දූෂිතයාට නොව ලොකුම දේශපාලන අභියෝගය එල්ල කරන්නාටය.එබැවින් සැබෑ දූෂිතයන්ට තමන්ගේ ක්‍රියා කිසිම අපහසුවකින් තොරව කර ගෙන යාමට ඉඩ සැලසේ.]කෙසේ නමුත් වැඩිපුර වැඩ කරන විට වැඩිපුර චෝදනා එල්ල වීමද ස්වාභාවිකය.එලෙසම වැඩිපුර වැඩ කෙරෙන විට හොරකම දූෂණයට ඇති අවස්ථාද වැඩිය.එබැවින් කල යුත්තේ දූෂ්ණය හා නාස්තිය අවම කර ගත හැකි ක්‍රමවත් ප්‍රායොගික වැඩ පිලිවෙලක් ක්‍රියාවට නැගීමය.එලෙස දූෂණයට හා නාස්තියට අනුබ්ල දෙන්නන්නට තරාතිරම නොබලා දැඩි දඬුවම් ලැබෙන වැඩපිලිවෙලක්ද අත්‍යවශ්‍යය.මෙහිදී ඉහල සිට පහලට නාස්තිය අවම කිරීමට ලබා දෙන ප්‍රායෝගික ආදර්ශයද වඩා වැදගත්ය.අද වන තුරුත් මේ අංශයෙන් නම් රාජපක්ෂ පාලනය පෙන්නුම් කරමින් සිටින්නේ පෙර රජයන්ගේම විකාශනයකි.කල යුතු, කල හැකි කාර්යන් පවා අතපසු කරමින් සිටිනා ස්වරූපයකි.එමගින් සිදුවන්නේ ජනතා විශ්වාසය යලි යලි හැදිය නොහැකි අයුරින් පලුදු වීමයි.එමගින් කිසිඳු වාසියක් රටට අත් නොවන්නේ එමගින් දෙශපාලන ලෙස වාසි ලැබෙනා කණ්ඩායම්ද අතීතයේ මහා පරිමාන අල්ලස් දූෂන හොරකම සහ නාස්තියට කප් ගැසූවන් වීම නිසාය. (අද දූෂණයට එරෙහිවන බොහෝ දෙන තමන් සුදනන් යැයි පෙන්වීමට දත කෑවත් එදා ආසියාවේ ලොකුම මූල්‍ය වංචාව සිදු වූයේත් එමරජයක් පැවති කාලයේ බව මොවුන් අමතක කරන්නට හදති.එලෙසම එම මහා පරිමාණ වැට් බදු වංචාවේ ප්‍රධාන චූදිතයා 2001 චන්ද්‍රිකා ආණ්ඩුව පෙරලීමට ජනබල මෙයෙයුමට මූල්‍ය දායකත්වය සැපයූ බවට එල්ල කරන චෝදනාවට මෙතෙක් පිලිතුරු ලැබී නොමැත )

මීට අමතරව අධ්‍යාපන ක්ෂේත්‍රයේද දුර පෙනෙන ප්‍රතිසංස්කරණ වහා ඇති කල යුතුය.එහිදී පෞද්ස්ගලික විශ්ව විද්‍යාල පිලිබඳ කතා බහ ප්‍රධාන මතෘකාව වීම නොවැලැක්විය හැකිය.කඩි මුඩියේ එක් එක් පාර්ශායන් සමග වෛරය පිරිමසා ගැනීමෙන් ඔබ්බට සිතා රටේ ඉදිරි ගමන් මග යහපත වෙනුවෙන් පමණක් සිතා එය සලකා බැලිය යුතු බව බොහෝ දෙනාගේ අදහසයි.(ඒ පිලිබඳ ඉදිරි ලිපියකදී වැඩි අවධානය යොමු කරමු.) තාවකාලික පැලැස්තර ඇලවීමෙන් තොරව ඉදිරිය බලා අපිට ගැලපෙන අධ්‍යාපන ක්‍රමයක් වෙනුවෙන් කටයුතු කිරීම ආසියාවේ අධ්‍යාපන කේන්ද්‍රය බවට පත් කිරීමට ක්‍රියාමාර්ග ගැනීම සමගාමීව සිදු විය යුත්තකි.එසේ නොකර විදේශ විනිමය ඉපයීමේ පටු අරමුණෙන් පමනක් කටයුතු කලහොත් සිදුවන්නේ වත්ත බද්දට දී ඇස්සට දත නියවන්නටය.


මේවා සාමන්‍ය ජනතාව වත්මන් පාලනයෙන් අපේක්ෂා කරනා තවමත් ඉටු වන පාටක්වත් නොමැති අපෙක්ෂාවන්ය.මෙවැනි ලුහුඩු සටහනකින් මහින්ද රාජපක්ෂ පාලනය බාර ගත යුතු ඉදිරි අබියෝග වල නිවරදි චිත්‍රයක් නියම පරිමාණයෙන් නිරූපනය කිරීමට අපහසු වුවත් මෙම සරල කරුණු පිලිබඳ අවධානය යොමු කරන්නේ නම් මහින්ද රාජපක්ෂ පිලිබඳ මහුතර ජනයා තවමත් නොසිඳා බලා සිටිනා බලාපොරොත්තු සහ කැපකිරීමට නිසි අගයක් ලැබෙනු ඇත.එසේ නොකර රට ලැබූ මේ ස්වර්ණමය අවස්ථාව සරල කාරණා නිසා නැති නාස්තිකර දැමුවහොත් එවැනි අවස්ථාවක් තව සියවස් කිහිපයක් යන තුරු ජාතියට නොලැබෙනු ඇත.
අපේ කාලයේ දුටුගැමුණු චරිතයට සාර්ථකව පණ පෙවූ ඔහු ඉදිරියේ ඇත්තේ' පරාක්‍රමබාහු යුගයක්' නැවතත් බිහි කිරීමය.

මහින්ද රාජපක්ෂ ජනාධිපතිවරයා හමුවේ ඇති දෙවන වර අභියෝගය මෙයයි...........

- කැලුම් නිරංජන

Sunday, March 14, 2010

උරුමයේ යුතුකම

1 comments


නොනිමෙන ගමනේ
මේ දිවි සසරේ......
මිනිසෙකු ලෙස ලැබු
මේ දිවි වරමේ.......
සිහළෙකි ඔබ දිනු
මේ ලක් දෙරණේ.........

දෙදහස් හයසිය වසරක උරුමේ
දෝතින් ගෙන වැඩි ඔබෙ පින් මහිමේ......
සම්බුදු සසුනේ තිර මග රැකුණේ
යුතු කමෙනුයි ඔබෙ ඉටු කල සොඳිනේ.....
නිවනට මග සලසා අන් දනගේ
සසර සරන මග තව දිග්ගැසුනේ......
සම්බුදු සසුනේ තිර මග වෙනුවෙන්
තම සැප කල් දැමු ජාතිය ඔබගේ......

යුතුකම ඉටුකල සිහළ දරුවනේ
ගැමුණු පරපුරෙනි ඔබ පණ ලැබුණේ......

-කැලුම් නිරංජන

Saturday, February 6, 2010

ජනාධිපතිවරණය දෙසට...

1 comments

පේක්ෂා කල පරිදිම ජනාධිපතිවරණය මහින්ද රාජපක්ෂ දෙවනවරටද ජනපති බවට පත් කරමින් විජයග්‍රාහීව නිම විය.මෙතෙක් ජනාධිපතිවරණ ඉතිහාසයේ තීරණාත්මකම මැතිවරණය මෙය යැයි පැවසුවද වරදක් නැත.2005 මැතිවරණ ජයග්‍රහණයෙන් රටට ලබා දුන් ජයග්‍රහණය තව දුරටත් බලාත්මක කිරීමට බහුතර දේශමාමක ජනයා මෙවර මහින්ද රාජපක්ෂ ජනපති කිරීමට දායක විය.එය හුදු ජයග්‍රහනයක් පමණක් නොවීය .2005දී තමන් ලද 50% කෙසඟ ජයග්‍රහණය අබිබවා යමින් 57% අධික බොලීවියානු ඉවෝ මොරාලස් පන්නයේ දැවැන්ත ජයග්‍රහණයක් හිමි කරගනිමිනි.එහිදී ප්‍රතිවාදී අපේක්ෂකයාට (ඊනිය පොදු අපේක්ෂකයාට ) වඩ දහ අට ලක්ෂයකට අධික සාතිශය බහුතර චන්ද සංඛ්‍යාවක් ලබගැනීමට මහින්ද රාජපක්ෂ මහතාට හැකි විය.මෙය 2005 දී ලද ජයට වඩා සුවිශේෂී වන්නේ ප්‍රතිවාදී අපෙක්ෂකයා සියලු විපක්ෂ කණ්ඩායම් වල පූර්ණ ආශිර්වාදය (රනිල් වික්‍රමසිංහ මහතාගේ සැබෑ සහයෝගය ඔහුට ලැබුනේදැයි සැකයක් ඇති විය හැකි වුවත් ) ලද අපෙක්ෂකයා ,එනම් සෝමවංශ අමරසිංහගේ භාෂාවෙන්ම කියන්නේ නම් මහින්ද රාජපක්ෂ පැරදවිය හැකි හොඳම 'ජොකියා' මෙවර ඉදිරිපත් කල බැවිනි.


ජනාධිපතිවරණය ගැන කසු කුසුවක් දේශපාලන ලෝකයේ පැතිරෙත්ම (මීට මාස හතරකට පමණ පෙර ) සියලු විපක්ෂ කණ්ඩායම් එම අභියෝගයට මුහුණ දේන්නේ කෙසේද යන වියවුලට පත් වී සිටියහ.නන්දි කඩාල් කලපුවේදී දෙමළ ජාතිවාදයේ ත්‍රස්ත පෙරමුණ අවසන් හුස්ම යවන තැනට වැඩ සැලැස්වූ මහින්ද රාජපක්ෂ ඒ වනවිට නිතරඟ ඊලඟ ජනාධිපති බව බොහෝ දෙනා තීරණය කර තිබින.(නමුත් එසේ තීරණය කල සමහර කොටස් මෙවර මැතිවරණයේදී මහින්ද රාජපක්ෂට විරුද්ධව චන්දය පාවිච්චි කරන්නට ඇත.) රනිල් වික්‍රමසිංහ මහතා පවා එය අවබෝධ කරගෙන සිටියාට සැක නැත.තමන් මෙවර ජනාධිපතිවරණයේදී ලබන නියත පරාජයෙන් පසු විපක්ෂ නායක ධූරය රැක ගැනීමේ අභියෝගය ජය ගැනීම පහසු නොවන බවත් එසේ වුවහොත් මහින්ද පාලන යුගයෙන් පසුව එනම් 2017 හෝ ජනාධිපති සිහිනය සැබෑ කර ගැනීමට නොහැකි වන බවත් තම මාමාගේ කපටි දේශපාලන උරුව ලද රනිල් වික්‍රමසිංහ මහතාට නොතේරෙන්නට හේතුවක් නැත.නමුත් තමා වෙනුවන එජාපයෙන් වෙනත් නායකයෙකු (එස් බී/ කරු හෝ සජිත්) ජනාධිපති අපේක්ෂකත්වය වෙත ඔසවා තබන්නටද රනිල් වික්‍රමසිංහ මහතා පසුබට විය.එසේ වුවහොත් ඔහු පරාජය වුවත් ඉන් පසු නැවත තමාගේ විපක්ෂ නායකත්වයට අභියෝගයක් විය හැකි බව මේ සූර දේශපාලඥයාට වැටහී යාම අරුමයක් නොවේ.

ජනතා විමුක්ති පෙරමුණටද ඒ වන විට අත්ව තිබූ ඉරණම අතිශය අභියෝගාත්මක විය.
පසුගිය වසර තිහේම පමණ ජනතා විමුක්ති පෙරමුණට ජනාධිපතිවරණය වහ කදුරු මෙන් තිත්ත අත්දැකීමක් විය.ජනාධිපතිවරණයට ඉදිරිපත් වී එයින් අවසන් ජයග්‍රහනයක් මේ කපේදී ලද නොහැකි බව තේරුම්ගෙන සිටි ඔවුන් බොහෝ විට කුමක් හෝ උප්පරවැට්ටියකින් එය මග හැර ගියේය.94,2005 දී සිදු වූයේ එයයි. මෙවර ඔවුන්ට එය තවත් මාරාන්තික සටනක්වූයේ ඒ වන විට මහින්ද පාලනය හේතුවෙන් පක්ෂය ඉතිහාසයේ කවරදාටත් වඩා කේඩෑරි වී ගොස් තිබූ බැවිනි.තමන්ට චන්දය දෙන සාමාන්‍ය ජනයා තබා තමන්ගේ බහට අතිශය අවනත තම කේඩරයන් පවා පක්ෂය තුල රඳවා ගැනීමට නොහැකි අතෝරයකට ඔවුන් මුහුණ දී සිටියහ. නායකයන් අතලොස්සකගේ අනුවණ තීරන හේතුවෙන් ජාතිකත්ව මගෙන් පීලි පැන්නවූ ජවිපෙ නැවත පීලිගත කල නොහැකි තත්වයට පත්ව තිබිණ.මෙතෙක් පක්ෂයට ජයග්‍රහණ ගෙන ආවේ එම ජාතිකවාදී ගම්බද ජන බලවේගය අමතක කර මාක්ස්වාදී පුස්ස පසුපස හඹාගිය ඔවුන්ට අත්වන්නේද ලංකාවේ සමසමාජ ,කොමියුනිට්ස් පන්නයේ විනාශයක් බව ඔවුන්ගේ තක්සේරුවට හසු නොවීය.තමන් අත එතෙක් තිබූ ජාතිකත්වයේ ප්‍රබල මෙහෙයුම්කරු යන ධජය මහින්ද රජපක්ෂ හිමි කර ගනිද්දී ඔවුන් කලේ එය තව දුරටත් මහින්දටම අත් වන්නට ඉඩ දෙන ජාතිකත්වයට එරෙහි පිල සමග යහන්ගත වන්නට පිඹුරුපත් සැකසීමය.( එහිදී ප්‍රබුඛ වැඩ කොටසක් එජාප ටයි කෝට් කල්ලිය සමග එක්වූ ජවිපෙ පාර්ලිමේන්තු කණ්ඩායම් නායකයා අතින් සිදු විනැයි පවතින කරුණ ඔවුන් අතින්ම හෙලිදරව්වන දිනය වැඩි ඈතක විය නොහැක ). මෙවැනි වාතාවරණයක් යටතේ 2006 දී ජවිපෙ ලද (මහින්ද රාජපක්ෂ මහතා පලමු ජනාධිපතිවරණ මධුසමය ගත කරන කාලයේදී පවා ) මිලියනයකට ආසන්න චන්ද ප්‍රමාණය 2009 වෙද්දී දෙලක්ෂයක් දක්වා පල්ලම් බැස්සවූ මහින්ද රාජපක්ෂ පාලනය සමග තවදුරටත් ඔට්ටු ඇල්ලීම හානිකරයැයි සිතූ ජවිපෙ නායකයන් එම පාලනය හමාර කිරීමට තීරණය කලේය.රටට කුමන ප්‍රතිඵලය අත් වුවත් තම පක්ෂය ජීවී තත්වයේ තව දුරටත් පවත්වා ගැනීමට නම් ඔවුන්ට එය කල යුතුම වීය.එහිදී ඔවුන් පලමුවත් පක්ෂය දෙවනුවත් පක්ෂය තෙවනුවත් පක්ෂය යන තමන්ට හුරු සටන් පාඨය වෙනුවෙන් පෙල ගැසුණහ.


විපක්ෂයේ ප්‍රධන ධාරා මෙලෙස අර්බුධයට යද්දී එයට සරත් ෆොන්සේකාගේ දේශපාලන ආගමනය ඔවුන්ට දිව ඔසුවක් විය.ඔවුන් සොයාපු දේ හම්බ විය.තම පරාජය මකා ගන්නට වීරයෙක් ඉදිරිපත් විය.තමන්ගේ විමුක්තියට මේ ඉදිරිපත් වුනේ එදා තමන්ම ගැලවීමේ හමුදාවටවත් සුදුසු නැතැයි කී අයෙකු බව ඔවුන් අමතක කර දැම්මේය.දකුණේ පුද්ගල පැහැරගැනීම් වලට තමන් එදා සෘජුවම ඇඟිල්ල දික්කල පුද්ගලා බව අමතක කලේය.කොටින්ම ජවිපේ එක් වූයේ තම සදාධාරණීය නායකයා බොරැල්ල කනත්තේ පන පිටින් පුළුස්සා තවත් ජීවිත හැටදහසක් දැයට අහිමි කල එජාපය ප්‍රමුඛ දුෂ්ට බලවේග සමග බව ඔවුන් අමතක කලේය.කොටි පරදවන සටනේ කකුලෙන් ඇදි UNP , TNA හවුල සමග එක ගේ දීග කන්නට පමණක් නොව එහිදී තමන් විසින්ම එදා ඔවුන්ට ගැසූ දේශද්‍රෝහී කොටි හන තමන් හැඳි වතම ඔසවා වසන් කරන්නට තරම් ජවිපෙ දීන විය.කුමන ආලවට්ටම් ඉදිරියට දැම්මත් මොවුන් සතු පොදු ලකුණ වූයේ රාජපක්ෂ විරෝධය පමණි.ඒ සඳහා කොතරම් පරස්පර,නොගැලපීම් තිබුනත් මේ අශුද්ධ සංධානය එක්ව පෙළ ගැසිණ.



ඉන් පසු මාස දෙකක් පමණ පුරාවට මේ එක් එක් පාර්ෂව වල බහුරූ කෝලම් ජනතාවට ප්‍රදර්ශනය විය.පාවාදීම් ,දූෂණ චෝදනා ආදීයෙන් බහුල වූ ජනාධිපතිවරණය අවසානයේ ජනතා තීන්දුව ලැබී තිබේ.ගොබෙල්ස්ලාගේ ක්‍රියාකාරකම් ප්‍රබල වන බවක් මතුපිටින් දක්නට ලැබුනත් සමස්ථ ප්‍රතිඵලය තුලින් එය පුස්සක් බව පැහැදිලි විය.ජාතිමාමක ජන මනස ෆොන්සේකාගේ හමුදා ඇඳුම පෙන්නා ගසා කන්නට සැදූ දුෂ්ඨ බලවේග අන්ත පරාජයට ලක් විය.විශ්මිත යුධ ජයග්‍රහණයේ කීර්තිය එහි එක් නියමුවකු බිලී බා ගැනීමෙන් පමණක් කල නොහැකි බව එම ජයග්‍රහනය ලැබීමේදී කකුලෙන් ඇදි කකුල් මාට්ටු දැමූ බලවේගවලට රිදෙන්නට ඉලපත් පහරක් දෙමින් බහුතර ජාතිමාමක ජනයා ඔප්පු කර පෙන්වීය.මුලදී ෆොන්සේකා වටා තිබූ ජාතිමාමක ජනතා සහාය අවසන් භාගය (විශේශයෙන් දෙමළ සංධානය සමග එක් වීමෙන් පසු ) වන විට නොසලකා හැරිය හැකි තරම් කුඩා භාගයක් විය.කොතරම් උස් හඬින් බෙරිහන් දුන්නද ජවිපෙට තමන් සිටින තැන හොඳින් පැහැදිලි වූ අතර වෙනස් නොවන්නේ නම් තව දුරටත් මේ දේශපාලන කරලිය තුල තමන්ට හිමි වන්නේ ප්‍රචාරණ ආයතනයක කාර්යභාරයට වඩා වැඩි යමක් නොවන බව ඔවුන් වටහා ගත යුතුය.


අවසානයේ සියලු රටට හිතැති බලවේග අපෙක්ෂා කල පරිදිම ජාතිමාමක ජනතාවගේ නියෝජිතයා ජයග්‍රහණය ලබීය.කෙසේ වෙතත් මෙම ජයග්‍රහණය සඳහා දෙමළ සහ මුස්ලිම් ජනතා සහාය සුපුරුදු පරිදි නොලැබී ගියේය.ඔවුන් තව දුරටත් මහින්ද රාජපක්ෂ මහතා සිංහල බෞද්ධ නායකයෙකු ලෙස හඳුනා ගෙන තිබේ.මහින්ද රාජපක්ෂ මහතාට ඉදිරියේ ඇති ප්‍රබල අභියෝගය නම් තමන් සුළු ජාතින් ලෙස තවමත් සිතනා එලෙසින් කටයුතු කරනා මෙම බලවේග ප්‍රධාන සංස්කෘතිය තුලට අවශෝෂණය කර ගන්නේ කෙලෙසද යන්නයි.


-කැලුම් නිරංජන