Monday, February 27, 2012

දියරෙද්දෙන් බෙල්ල කැපීමට පෙර....

0 comments
මානව හිමිකම් වෙස් මුහුණුකරුවන්ගේ ජිනීවා බලහත්කාරය ….

එක්සත් ජාතීන්ගේ මානව හිමිකම් සමුළුව 27 වනදායින් ඇරඹී මාර්තු 23 දක්වා මුළු දීමට නියමිතය. පසුගිය වාරයන්ට වඩා මෙම සමුළුව රටක් වශයෙන් අපට තීරනාත්මක වන්නේ මෙවර ශ්‍රී ලංකාවට එරෙහිව යෝජනාවක් සමුළුව හරහා සම්මත කර ගැනීමට ඇමරිකාව පෙරටුකරගත් බටහිර රටවල් සහ ඔවුන් සමග එක ගෙයි කන කොටි ත්‍රස්තවාදයේ ඉතුරු බිතුරු කල්ලිය වන කොටි ඩයස්පෝරාව අර අඳිමින් සිටින බැවිනි.(පාරභෞතික සිහින රාජ්‍ය ආදී සෙල්ලම් ගෙවල් තැනීම හැර මේ ඊනියා ඩයස්පෝරාවට තනිව කල හැකි යමක් නැත.කොටි සංවිධානයට මෙන්ම මේ කොටි ඩයස්පෝරාවටද ඇති එකම සරණ බටහිර සරණ පමණි ) .2009 දී මෙලෙසම ගෙන ආ යෝජනාව වැඩි චන්දයෙන් පරාජය කිරීමට ශ්‍රී ලංකාව සමත් වුවත් මෙවර ඇමරිකාව එලිපිට පොරපිටියට පැමිණ ක්‍රියාත්මක වනු පෙනේ.
 

මෙහිදී ප්‍රධාන වශයෙන් අපට නැගෙන චෝදනාව නම් අපගේ රටේ මානව හිමිකම් 'ප්‍රශස්ථ' මට්ටමකට ගෙන ඒමට රජය අපොහොසත් වී ඇති බවය.මාධ්‍ය නිදහස, අදහස් ප්‍රකාශ කිරීමේ අයිතිය ආදිය අතුරු මුහුණතේ දැක්වුවත් ඇත්තෙන්ම යටින් ඇත්තේ තිස් වසරක යුද්ධය අවසන් කිරීමේදී ඔවුන්ගේ බාධා කිරීම් නොසලකා ක්‍රියා කිරීමයි.කෙටියෙන් කිවහොත් බටහිර මතයට සමගාමී නොවී කොටි ත්‍රස්තවාදය සමග අතරමැදි සමාදානයකින් තොරව ත්‍රස්තවාදයට එයට තේරෙන භාෂාවෙන් පිලිතුරු දීමේ වරදය. එමගින් ඔවුන්ගේ බලපෑමට හසු කර ගැනීමට භාවිතා කල ඉත්තා දාන් පෙතෙන් ඉවත් කිරීමය.මේ ගන්නට සැරසෙන්නේ ඒ වාඩුව බව දැන් දැන් හොඳින්ම පැහැදිලිය.

ඊනියා මානව හිමිකම් බෝඩ් ලෑලට මුවා වී මෙලෙස රටවල් වල අභ්‍යන්තර ගැටළුවලට සෘජුව ඇඟිලි ගැසූ ඇමරිකාව විශේෂයෙන් පසුගිය දශකය පුරාවට පමණ ලෝකය පුරා ඉතිරි කර ඇත්තේ අසරණ කම ,  මරණය සමග ලේ පැල්ලම් පමණි.'මානව හිමිකම්' යන්නට ඇති අර්ථකතනය වෙනස් කල යුතු තරමට ඇමරිකාව ප්‍රමුඛ බටහිරයන් එය නිරුවත්ව කෙලෙසා හමාරය.

ඉරාකයේ පමණක් ඊනියා න්‍යෂ්ඨික අවි සෙවීමේ 'මානව ප්‍රේමයෙන්' යුතුව කල ආක්‍රමණය නිසා පමණක් එරට අහිමි වී නිරායුද සිවිල් වැසියන්ගේ මරණ සංඛ්‍යාව පමණක් ලක්ෂ හය ඉක්මවා ගොස්ය.එපමනක් නොව අරාබි වසන්තය හරහා ලිබියාව දක්වා දස දහස් ගනන් මිනිසුන් බලු කපුටන් සේ මැරී ගියේත් අද දක්වා අනවරතව මැරී යන්නේත් මේ මානව හිමිකම්,ප්‍රජාතන්ත්‍රවාදය වෙනුවෙන් බටහිරයන් කල 'මහා පුණ්‍ය කර්මයට' පින් සිදු වන්නටය. ප්‍රජාතන්ත්‍රවාදය , මානව හිමිකම් වැනි මහේශාක්‍ය වචන අස්සේ සැඟවී එන්නේම ඔවුන්ටම උරුම තිරිසන් ම්ලේඡ්ඡත්වය සහ තාඩ බලහත්කාරය බව වටහා ගැනීමට ලොව පුරා ලක්ෂ සංඛ්යාත අහිංසකයන්ගේ ජීවිත වන්දිය හොඳටම ප්‍රමාණවත්ය. මානව හිමිකම් අහිමි වීම් ,ප්‍රජාතන්ත්‍රවාදය දුර්වල වීම් වැනි අසාධාරණකම්වලට පිළිතුරු ලෙස ලැබී ඇත්තේ කාලකණ්නි අසරණබාවය සහ ජීවිත අහිමිවීම් පමණි. එදා තමන් අසාධාරණ යැයි සිතා එරෙහි වූ සමාජය නිදහස් සුරපුරක් යැයි සිතෙන තරමේ අවීචියකට තමන් අද වැටී ඇති බව දිනපතා කුඩුපට්ටම් වී අහිමිවන තම සමීපතමයන්ගේ මරණ හරහා ඒ මිනිසුන්ට ඒත්තු ගොස් ඇතිවාට සැක නැත. මවා පෙන්වූ වසන්තයේ මායාටව දෑස් අන්න්ධ වූ තරම වැටහෙන විට ප්‍රමාද වැඩිය. තමන් පෙලූ රකුසන්ටත් වඩා දස දහස් වරක් ගොරහැඬි ම්ලේච්ඡ තිරිසනුන්ගේ දියරෙද්දෙන් බෙල්ල කැපීමට තමන්ද හසු වී හමාරය. එයට එරෙහිවද ඒ ම්ලේච්ඡයන්ම සැපයූ උණ්ඩවලින් මලානික ,දියාරු සටනක් දීමට තැත් කලත් රකුසන්ගේ බලය හමුවේ එය කිසිසේත්ම ප්‍රමාණවත් නොවන බව දැන් වන විට වැටහී ඇත.
 

අප වඩාත් විචක්ෂණෂීලී විය යුත්තේ මෙබැවිනි.ශ්‍රී ලංකාවට විරුද්ධව මානව හිමිකම් සමුළුව හමුවට යෝජනාවක් ගෙන එන්නට බටහිරයන් දත කන්නේ මෙවැනි වටපිටවකය. මුලින් මෙලෙස මානව හිමිකම් සමුළුව හමුවට ගෙන එන යෝජනාව පසුව එක්සත් ජාතීන්ගේ මහ සමුළුවට ඉදිරිපත් කරන යෝජනාවක් ලෙසත් ඒ හරහා මෙරට සිදී වී ඇතැයි පැවසෙන ඊනියා මානව හිමිකම් අහිමිවීම් පරීක්ෂණයට ජාත්‍යයන්තර කල්ලියක් පත් කිරීමටත් එයට එරෙහි වන්නේ නම් සම්බාධක හරහා කෙමෙන් කෙමෙන් අවසානයේ හේග් නුවර අධිකරණය හමුවේ මෙරට යුද්ධය මෙහෙයවූ සේනාධිනායකයා ඇතුලු බලධාරීන්,නිළධාරීන් වැරදිකරුවන් කිරීමටත් යොමු වන බව පැවසීමට අංජනම් බැලිය යුතු නොවේ.ඒ අතරමගදී අවශ්‍යනම් කොටි බෙදුම්වාදී ඉල්ලීම් ඉටුවන සංශෝදන කරා රට තල්ලු කිරීමත් ඒ හරහා ඇති වන තත්වයන් ඔස්සේ තමන්ට හීලෑ පාලනයක් මෙරට ඇති කර ගැනීමත් අතුරු පල ලෙස බලාපොරොත්තු වනවා වන්නට පුළුවන. එය වැලකීම සඳහා රනිල් වික්‍රමසිංහ මහතා උදම් අනන 2003 රෝම ප්‍රඥ්ඥප්තියට සම්පූර්ණයෙන් එකඟ නොවීම ප්‍රමාණවත් වේද? කොසොවෝ යුද්ධයේදී සිදුවූවා යෑයි බටහිරයින් පවසන යුද අපරාධවලට වරදකරු වූ සර්බියානු හිටපු ජනපති ස්‌ලොබොදාන් මිලසොවික්‌ගේ ක්‍රියාකලාපය ඇමරිකාවේ සිතුම් වලට අනුගත නොවීය. කොසොවෝ ත්‍රස්‌තයන්ට එරෙහි හමුදා මෙහෙයුම් නවත්වන්නට අපට මෙන් නොව නේටෝ ගුවන් ප්‍රහාර පවා එල්ල විය. ඇමරිකාව මිලසොවික් ට එරෙහිව වරෙන්තු නිකුත් කල අතර ඊලඟ මැතිවරනයෙන් පරාජය වූ මිලසොවික් අල්ලා එක්‌සත් ජාතීන්ට භාර දුන්නේය ඊලඟට පත්වූ ආණ්ඩුවයි. මිලසොවික්ට හේග් නුවර ජාත්‍යන්තර යුධ අධිකරණය නඩු පැවරූ යුධ අපරාධවලට වැරදිකරු වූ අතර සිරගතව සිටියදී 2006 දී හදිසියේ ඔහු මරණයට පත්විය.අද බටහිරයන් තැත් කරන්නේ මිලසොවික් සිද්ධියේ පුනරුපණයකටද?

ලංකාවට එරෙහි යෝජනා හමුවේ "ඔය යෝජනා ගේන්නේ නිකන්, ඇමරිකාව වගේ රටක් අපිට ලොකු හානියක් කරන්න එන්නේ නෑ.මොකද අපි වගේ පුංචි රටකින් එයාලට ගන්න දෙයක් නෑ.ඔන්න අඩු තරමෙ තෙල් වත් තිබුනනම් එහෙම වේවි" ආදී ලෙස අදහස් දක්වන්නන් බොහෝ දෙනෙක් ඊනියා දැනුවත් මිනිසුන් සිටින්නේ යැයි පවසන නගර ආශ්‍රිතව අපට හමුවේ . විශේෂයෙන්සයිබර් අවකාශයේ එවැන්නන්ගේ හඬ උස්ව නැගේ. මොවුන් බහුතරය 'ගොස්ප් අඩවි' වල 'දැනුම' තුලින් දේශපාලන විචාරකයන් වූවන් පමණක්ම නොවේ. අඪිරාජ්‍යවාදයේ ආර්ථික සංරචකය ගැන දාර්ශනික කතිකා වලට හවුල් වන මහා උගතුන්ද මේ අතර බහුලය. අධිරාජ්‍යවාදයේ දේශපාලන සංරචකයට එරෙහි නොවන මේ ප්‍රබුද්ධයන් එහි ආර්ථික බලහත්කාරය වියුක්තව ගෙන ගිරිය යටින් මොර දෙනු බොහෝ තැන්වල පෙනේ. 

තවත් කොටසකගේ අදහස නම් මෙය මේ ආණ්ඩුවේ හුදු ගැලවිජ්ජාව වෙනුවෙන් මේ අවසාන මොහොතේ ගැසූ තුරුම්පුවක් බවය. රටතුල කළමණාකරන ගැටළු හමුවේ කරවටක් ගිලී සිටින ආණ්ඩුව තම බල පැවැත්ම තහවුරු කර ගැනීමටත් ප්‍රතිවිරෝධතාවයන් සමනය සඳහා නැවත සුපුරුදු 'දේශප්‍රේමී' ආවේශයට ජනතාව පත් කිරීමට සැරසෙන බවය. එමගින් හේ හොස් ඇති ආණ්ඩුවේ දේශපාලන ගමන නැවත වටයකින් ශක්තිමත් කර ගැනීමට බවය. එම අදහස මතුපිටින් බැලූ කල යම් සත්‍යතාවයක් ඇතැයි පෙනුනත් බටහිරයන් මේ මොහොතේ ක්‍රියාකරන අති ක්‍රියාකාරී සහ ඉලක්කසහගත වැඩපිළිවෙළ හොඳින් නිරීක්ෂණය කල විට පෙනී යන්නේ එම මතය අතිශය දුර්වල සහ තම තමන්ගේ හෘද සාක්ෂිය රවටා ගෙන මේ බලහත්කාරයට එකඟ වීමට විරෝධාකල්පිකයන්ගේ මනස සකස් කගැනීමට ඉදිරිපත් කරන දියාරු අදහසක් බවය. (බටහිරයන්ගේ මේ අරභයා ක්‍රියාකාරීත්ව කෙසේද යන්න කිනීවා නුවර සමුළුව ආරම්භ වීමට පෙර සිටම පෙනී යයි.උදාහරණයක් ලෙස කුප්‍රකට දරුස්මාන් වාර්ථාව සැකසීමට උර දුන් සාමාජිකයකු දැන් පටන්ම සාමාජික රටවල් වලට 'තෙල බෙදීම' ආරම්භ කර ඇතැයි වාර්ථා වේ. )
 

මෙවැනි තත්වයක් හමුවේ මේ මොහොතේ සියලු දෙනා රට වෙනුවෙන් එක මතයක සිට ගැනීම හරහා සාමාජික රටවලට දිය හැකි පණිවිඩයක් තිබේ. එනම් රටක් වශයෙන් ත්‍රස්ත යුද්ධය වෙනුවෙන් සිදු කල කාර්යභාරය වෙනුවෙන් කිසිඳු අයුරක වැරදිකරුවකු වීමට අප සූදානම් නැති බවය.එය ජාත්‍යන්තරයට අපට දිය හැකි හොඳම පණිවිඩයයි.ශ්‍රී ලංකාව දෙසට මිත්‍ර පාක්ෂික රටවල අවධානය කෙලින්ම යොමු කරගත හැකි වන්නේ එවිටය.එසේ නැතිව බටහිරයන් ගේ මානව හිමිකම් කෙඳිරිය උන්ටත් වඩා උස් හඬින් මෙහි සිට නගන්නන්ගේ හඬ ඉස්මතු වුවහොත් සිදුවන්නේ එම මිත්‍ර පාක්ෂික රටවල මතය පවා යළි දෙවරක් සිතන තැනට වැඩ සැලසීමය. 
අනෙක් පසින් තර්ක කරන ආකාරයට එමගින් මේ මොහොතේ අසාර්ථකවීම් රාශියක් පෙන්නුම් කරමින් සිටින රාජපක්ෂ ආණ්ඩුව වක්‍රාකාරයෙන් ශක්තිමත් වීමක් බව අසත්‍යක් නොවේ. නමුත් ආණ්ඩුව ශක්තිමත් වේ යැයි කියා ඊට වඩා සිය දහස් ගුණයක බරපතල අවධානමකට රට ලක්වන්නට ඉඩ හැර නිකමුන් සේ කාලකණ්නි සතුටක් ලැබීම මුහුණ සමග තරහ වී නහය කපා ගැනීමට සමානය. ආණ්ඩු විරෝධයක් තිබීම අත්‍යවශ්‍යය. නමුත් එය පරාජ්‍ය විරෝධයෙන් පැහැදිලිව වෙන් කර ගත යුතුය.නමුත් අවාසනාවටදෝ අද වැඩිපුර සිටින්නේ ආණ්ඩු විරෝධීන් නොව. රටට එරෙහි ජුදාස්ලාය. මේ ජුදාස්ලා ආරක්ෂාව පතා සැඟවී සිටින්නේ වියුක්ත ආණ්ඩු විරෝධීන්ගේ සෙවනේය. ආණ්ඩු විරෝධීන් ඉදිරියට දමා මේ ඉලකයක් ඇති ජුදාස්ලා අසාර්ථක කරන්නට ,පලිගන්නට පාවා දෙන්නට සැරසෙන්නේ රටෙනි.ඒ වෙන කිසිවක් නිසා නොව තමන්ගේ ආශිර්වාදය ලද ත්‍රස්තවාදීන් නන්දිකඩාල්වල ගිල්වීමේ වරදටය. (මෙය හොඳින්ම නිරීක්ෂණය වන්නේ මෙම ජිනීවා මෙහෙයුමේ ප්‍රධාන කාර්‍යභාරයක් ඉටු කරන්නේ මෙරට සාම වෙළඳුන් වූ සරවනමුත්තුලා සහ මාධ්‍ය වෙළඳුන් වූ දේශප්‍රියලා වීමයි.)බටහිරයන්ගේ අභිලාෂය සමග මොවුන්ගේ අබිලාෂයන් ටක්කෙට පෑහේ. බටහිරයන්ගේ මතයට සමගාමී නොවී හිතුමතේට කොටි ත්‍රස්තවාදය පැරදවීමේ 'හිතුවක්කාරකමට' දඬුවම් කිරීම ඔවුන්ගේ අභිලාෂයයි. තමන්ගේ ඉත්තා වැනසීමේ 'පාපකර්මය ' වෙනුවෙන් සේනාධිනායකයා ඇතුළු ආරක්ෂක හමුදා නායකත්වය දංගෙට යවන තෙක් මෙම ලුහුබැඳීම අනවරතව පවතිනු ඇත.නමුත් "මේ වන්දිය ගෙවන්නේ මහින්ද රාජපක්ෂනේ.අපේ තෙල් ටිකේ මිල වැඩි කරපු ඕකට ඔහොම වෙලා මදි" යැයි සිතා කාලකණ්ණි සතුටක් ලැබීමට මිනිසත්කම කඳුලක් හෝ ඇති මිනිසුන්ට නොහැක්කේ මේ මිනිසුන් ජාත්‍යන්තරය හමුවේ වැරදිකරුවන් වී සිටින්නේ එලෙස සතුටු වන්නන් ඇතුලු සමස්ථ රටේම මරන බිය නැති කිරීමේ මහා පුණ්‍ය කර්මයට වන බැවිනි.
 

මේ අන්තර්ජාතික මෙහෙයුමට සමගාමීව තවත් පෙරමුණක් අරාබි වසන්තය පන්නයේ මෙහෙයුමකින් මෙරට බලය ඇල්ලීමේ සිහිනයක සිටිනු පෙනේ. මේ සිහින රැලි ගැන සිහින මවා ඒවාට ජය පතන්නේ මළ මිනී සහ විනාශයන් තුලින්ම දේශපාලන පැවැත්ම තහවුරු කරගැනීමට මාන වලන කල්ලි සහ ඊයේ පෙරේදා කපටී සූට් එක හැඳි දේශපාලන ළදරුවන්ය. මේ සියලු දෙනාට සිහින දැකීමට ඇති 'මානව අයිතියට' බාධා නොකරමින් සවිඥ්ඥාණික ජනයා රට හමුවේ මේ මොහොතේ ඇති අභියෝගය නිසි බරින් අවබෝධ කරගත යුතුය. කතිරයෙන් නම් මහින්දට එරෙහි වීමට එදා මහින්දට චන්දය දුන්නවුන් පවා අද සූදානම් වුවත් හේග් නුවර දංගෙඩියට දක්කන බටහිර ත්‍රාඩ බලහත්කාරයට එරෙහිව එක මතයකට පැමිණීමට එම ප්‍රතිවිරෝධතා බාධාවක් කරගත යුතු නොවේ.එය අපගේ යුතුකමයි-වගකීමයි.
 

කැලුම් නිරංජන
2012-02-25

Saturday, February 18, 2012

පොල් රුප්පාවෙන් තල් රුප්පාවට III (අද දසුන් ඔස්සේ යුධ සමයට අතීතාවර්ජනයක් )

4 comments
[අවසන් කොටස ] 
අද පරන්තන් , ධර්මපුරම් ,විශ්වමඩු ,පුදුකුඩුඉරිප්පු හරහා අවසන් සටන් බිමට...
පුදුමාතලන් , වෙල්ලාමුල්ලිවයික්කාල්,අම්පලවන්කොක්කනේ ,කරයාමුලිවයික්කාල්,නන්දිකඩාල්...


අද අපේ ආවරණ කලාපය..
නාවක්කුලු රජයේ ආහාර ගබඩාව

චාවකච්චේරිය බස් නැවතුම..

සිසු නේවාසිකාගාරය
යාපනය විශ්ව විද්‍යාලය


යාපනයටම උරුම දුම්කොල වගාව

උතුර දකුණ මාරුවන්නට නොව - උතුරු දකුණ එක් කරන්නට...
දුරකතන සම්ප්‍රේෂණ කුළුණ :
චාවකච්චේරිය


යෝජිත චාවකච්චේරිය ප්‍රාදේශීය සභා ගොඩනැගිල්ල...

යුධ හමුදා සුබසාධක අලෙවි සැල
ඉයක්කච්චි...






සදා මහ විරුවෙකි ඔබ ...


1991 ජූලි මස 14 දින අලිමංකඩ යුද හමුදා කඳවුර අත්පත් කර ගැනීමට කොටි ත්‍රස්තයන් විශේශයෙන් වෙඩි නොවදින ලෙස සැකසූ පුපුරණ ද්‍රව්‍යවලින් පුරවන ලද බුල්ඩෝසරයක් යුද ටැංකියක් ලෙස සකසා අලිමංකඩ යුද හමුදා කඳවුර වෙත පදවාගෙන ආවේය.ඒ අලිමංකඩ අල්ලාගැනීමේ මෙහෙයුමේ ආරම්භයක් ලෙසය.ඒ මොහොතේ කඳවුරේ රාජකාරියේ සිටි ගාමිණී කුලරත්න රණවිරුවා ක්ෂණිකව අනතුර වටහා ගෙන බෝම්බ දෙකක් දෑතින් රැගෙන කොටි ත්‍රස්තවාදීන් එල්ල කළ වෙඩි පහරකාගෙන බුල්ඩෝසරය වෙත දිවගොස් එහි එල්ලී දෑතේ වූ බෝම්බ දෙක පුපුරවා හැර තම ජීවිතය පූජා කරමින් ත්‍රස්ත ආගමනය වැලැක්වීය.ඔහුගේ මෙම වීර ක්‍රියාව නිසා යුද හමුදා සෙබළුන් රැසකගේ ජීවිත මෙන්ම අලිමංකඩ හමුදා කඳවුරද රැක ගැනීමට හමුදාවන්ට හැකි විය.‘අලිමංකඩ’ යුද හමුදා කඳවුර 2000 වසරේ අප්‍රේල් 20 වන දින කොටි ත්‍රස්තවාදීන් විසින් අල්ලා ගත් නමුත් 2009 ජනවාරි 09 වන දින නැවතත් යුද හමුදාව විසින් අලිමංකඩ තම බලයට නතු කර ගැනීමට සමත් වූහ.
ඔහු වෙනුවෙන් ගැයුනු ගීයක්...
හසලක ගාමිණී ගැන සටහනක්...
ආඩම්බර  සිහිවටනය...
හසලක ගාමිණී  විරුවා නිෂ්ක්‍රීය කල ත්‍රස්ත යුධ ටැංකිය.
අලිමංකඩ


අලිමංකඩ රණවිරු ස්මාරකය
අලිමංකඩ , යාපනය අර්ධද්වීපයට පිවිසෙන ප්‍රධාන පිවිසුම් දොරටුවයි.යාපනයේ දොරටුව වුවද අලිමංකඩ සිට පච්චිලෙයිපලෙයි දක්වා ම අයත් වන්නේ කිලිනොච්චි දිස්ත්‍රික්කයටයි.අලිමංකඩ කොටි ග්‍රහණයෙන් මුදාගත් හමුදා සේනාංක උතුරු සහ දකුණු දෙසින් පැමිණ එකට එක්‌වූ රණබිම අසල මෙම රණවිරු ස්මාරකය ඉදි කර තිබේ.පරන්තන් ප්‍රදේශයේ බලය අල්ලා ගත් යුද හමුදාවේ 58 වන සේනාංකයේ භට පිරිස් ඒ 9 මාර්ගය ඔස්සේ උතුරින් පිහිටි අලිමංකඩ දෙසටත් මුහමාලෙයි සහ කිලාලි ප්‍රදේශවලින් මෙහෙයුම් ආරම්භ කළ 53වැනි සහ 55වැනි සේනාංක පහළින් පිහිටි අලිමංකඩට දෙසටත්  මෙහෙයුම් දියත් කරමින් යාපනය මහනුවර ඒ 09 මාර්ගයේ ඉහළින් සහ පහළින් ජයග්‍රාහී ඉදිරි ගමන් අරඹා 2009 වසරේ ජනවාරි 09 වැනිදා එකිනෙකා හමු වූයේ මෙහිදී.
අලිමංකඩ  ජයග්‍රහණය එදා මාධ්‍ය වාර්ථා කල අයුරු.
ගමනේ ගිම් නිවූ අවන් හල...
යුධ හමුදා සුබසාධක අවන්හල

ජනාකීර්ණ නොවූ අලිමංකඩ සිට කිලිනොච්චි දක්වා ගමන් මග තුල ගමන් කරන්නන්ට ආහාර පාන සපයා ගැනීමට ඇති ස්ථාන අතලොස්සකි.එයිනුත් මේ යුධ හමුදා සුභ සාධක අවන් හල් ජාලය විශේෂිතය.උතුරේ සාමාන්‍ය ජනජීවිතය සම්පූර්ණ යථා තත්වයට පත් වී ඔවුන්ගේ ව්‍යාපාර කටයුතු ආරම්භ වන තෙක් මෙම සුබසාධන අවන්හල් ජාලය මේ පෙදෙස් පසු කර යන්නන්ට මහත් අස්වැසිල්ලක් වේවි.දැනටමත් සාමාන්‍ය තත්වයට පත් වෙමින් ඇති කිලිනොච්චියේ තිබූ යුධ හමුදා 'ජන අවන් හල' ඉවත් කර ඒ වෙනුවට සාමාන්‍ය ජනයාට අවස්ථාව හිමි වෙලා.හැබැයි හමුදා සෙබළු නම් පැවසුවේ මේ අවන්හල ඉවත් කිරීම පිටුපස සිට දකුණෙන් ගිය දේශපාලන කොටසක් මෙන්ම රාජ්‍ය නොවන සංවිධානයද හඬ නැගූ බවයි.


පරන්තන් -තුම්මන්හන්දිය
කිලිනොච්චි - මුලතිව් - යාපනය

පුනරීන් – පරන්තන් (B 69) මාර්ගය සහ පරන්තන් – මුලතිව් පාර (A – 35)  සහ A – 9 මාර්ගය සම්බන්ධ වන්නේ පරන්තන් හන්දියෙනි.යුද හමුදාව 2009 ජනවාරි 01 අලුයම පරන්තන් නගරයේ බලය තහවුරු කර ගැනීමත් සමඟම කොටි ත‍්‍රස්තවාදීන්ට මුලතිව් සිට අලිමංකඩ, කිලාලි සහ මුහමාලෙහි ප‍්‍රදේශයට යෑමට තිබූ එකම ගොඩබිම් මාර්ගය සම්පූර්ණයෙන්ම අවහිර විය.මේ නිසා හමුදාවට මුහමාලෙයි සහ අලිමංකඩ ප‍්‍රදේශයේ බලය අත්පත් කර ගැනීමටද මෙම ජයග්‍රහණය තීරණාත්මක ලෙස වැදගත් විය.පරන්තන් හමුදාගේ ග්‍රහණයෙන් මිදුනේ 1999 වසරේදීය.
පරන්තන් අල්ලා ගැනීම එදා මාධ්‍ය වාර්ථා කල අයුරු.

එදා බිම් බෝම්බ පැල කල බිමේන් අද රන් අස්වනු
පරන්තන් මුලතිව් මග දෙපස

යටිතල පහසුකම් අත්‍යවශ්‍ය මිනිසුන්...
යලි ඉදිවෙමින් පවතින පරන්තන් මුලතිව් මාර්ගය


යලි ඉදිවෙමින් පවතින පරන්තන් මුලතිව් මාර්ගය

එදා ගිනි අවි හුරු දෑත් අද ජීවන යුද්ධයට සැරසී...
අස්වනු නෙලූ ධර්මපුරම් වැසියන්...

පරන්තන් අල්ලා ගැනීමෙන් පසු 58 වැනි සේනාංකයේ සෙබලු 2009 ජනවාරි 15 ධර්මපුරම් ගම්මානයේ බලය සම්පූර්ණයෙන් තහවුරු කර ගත්හ.සිවිල් වැසියන් මුදවා ගැනීමේ මෙහෙයුමේ ජනතාව හමුදාව වෙත පැමිණීම අරම්භ වන්නේ මෙයත් සමගයි.
හමුදාව ධර්මපුරම් බලය තහවුරුකරගත් පුවත එදා වාර්ථා කල අයුරු

එදා නොනැවතී ගුවන් ප්‍රහාර පතිත වූ බිමට ඉඳ හිට හෝ බස් රථයක්
-
විශ්වමඩු මංසන්ධිය


ධර්මපුරම් බලය තහවුරුකරගත් හමුදාවෝ එදා ඉන්පසු පැමිණියේ විෂ්වමඩු වෙතයි.ප්‍රබල එල්ටී ටී ඊ නායකයන් රැසකගේ නිවහන් පිහිටි විශ්වමඩු වෙත එකල ගුවන් ප්‍රහාර එල්ල වූ තරම් කොතරම්ද.2009 ජනවාරි 29 විශ්වමඩු වල පරාජය විඳ ගන්නට එල් ටී ටීයට සිදු වුනා.58 වන සේනාංකය විශ්වමඩු අල්ලාගත් පුවත.
මේ එල්ටීටීය දන ගැස්සූ ගුවන් මෙහෙයුම් පිළිබඳ සටහනක්

දඟ ගෙයි දඬුවම් සියුමැලි වැඩිනම් අලුගෝසුවනේ එල්ලාපන්...
කොටි සිහින රාජ්‍යයේ 'ද්‍රෝහීන්' ට දඬුවම්
කොටි සිර කඳවුර - විශ්වමඩු



මරාගෙන මැරෙමු ....
අත් හදා බලමින් තිබූ මරාගෙන මැරෙන යාත්‍රා...

පරන්තන් සිට මුලතිව් පාරේ විශ්වමඩුවලින් දකුණට හැරී වනාන්තරබද ප්‍රදේශයක් හරහා 4 Km පමණ ගිය කල කොටි සිට මැදිරි සංකීර්ණයකින් යුත් කඳවුරු බිම හමුවේ. මෙය  වානම්පඩි ගම්මානයයි.මෙහි විශාල සිර මැදිරි හයක් සහ කුඩා සිර මැදිරි හැටකින් යුක්ත අතර මේ සමගම කොටි පුහුණු කඳවුරක්ද මෙහි පිහිටා ඇත.විශාල කුටිවල සිරකරුවන් කාණ්ඩ වශයෙනුත් අනිත් ඒවායේ තනි පුද්ගලයන් රදවා තබා ඇත.ඉතා ම ශක්තිමත් කොන්ක්‍රීට් සහ යකඩ යොදවා නිමවා ඇති මේ තනි මැදිරි තුල වැසිකිළියක් සහ වතුර ජල කරාමයක් ඇත.මෙම  සිර මැදිරි සංකීර්ණය කොටි බුද්ධි අංශ නායකයා වූ පොට්ටු අම්මාන් විසින් 2004දී විවෘත්ත කර ඇත.අනිකුත් ප්‍රදේහවලින් හමු වූ සිර කඳවුරු සමග සැසඳීමේදී මේවා තරමක් පහසුකම් වලින් යුක්ත ඒවා බව පෙනේ.විදෙස් නියෝජිතයන් රැවටීමේ අරමුණින් කොටින් මෙය පාවිච්චි කරන්නට ඇතැයි හමුදාව විශ්වාස කරයි.
අද එහි හමුදා කඳවුරකි.
මෙම කඳවුරු බිම අල්ලා ගැනීම එදා මාධ්‍ය වාර්ථා කල අයුරු.

'ක්‍රිෂ්ණ දෙවිඳුන්' විෂ්ණු දෙවිඳුන්ට පිටුපෑවේද?
කොටි කඳවුරු තුල කෝවිල් වෙනුවට පල්ලි..


මේ ඉහතින් සඳහන් කල කඳවුරු බිම තුල දුටු දසුනක්.හින්දූන් 'ක්‍රිෂ්ණ' දෙවියන් ලෙස වරක හැඳින්වූ ප්‍රභාකරන් හින්දු කෝවිල් වෙනුවට තම කඳවුරු බිම් වල පවා ක්‍රිස්තියානි පල්ලි ඉදිකලේ ඇයි?එය ආගමික සහජීවනය නම් විය නොහැක.

කොටි වියරු සිහින්යේ නාමයෙන් විනාශ වූ සම්පත් - විශ්වමඩු

කොටි වියරු සිහින්යේ නාමයෙන් විනාශ වූ සම්පත් - විශ්වමඩු


කොටි නායකයින් 'පිනුම් ගැසූ' ගම් පෙදෙස...
පුදුකුඩුඉරිප්පුවට සාදරයෙන්..
.




ප්‍රභාකරන් අවසන් වරට නිවසක කියා සිටි ස්ථානයයි මේ.මින් පසු අවසන් සටනේ අවසන් අදියර එලඹි හෙයින් ඔහුට මෙවැනි ස්ථිර වාසස්ථානයක සෙවන අහිමි වුනා.අඩි 40ක් පමණ මතුපිට පස් ආවරණයක් යට පොළව යටට  වන්නට මෙම තුන් මහල් ආරක්ෂිත නිවහන හමු වේ.විශ්වමඩු පිරමන්තන්හි පිහිටි මෙම භූගත බංකරය තුල ප්‍රභාකරන්ගේ නිදන කාමරය සහ කාර්‍යාල කාමරය පිහිටා තිබිණි.නිදන කාමරයේ ඔහුගේ සයනය මෙන්ම අවසන් වරට භවිතා කලා යැයි සැක කෙරෙන ගිනි අවියද දමා ගොස් තිබුණි.අඩි 4ක් පමණ ගනකම් කොංක්‍රීට් වලින් සකසා තිබූ බංකරය දැඩි වෙඩි බලයකට පවා ඔරොත්තු දීමට හැකියි.58 වන සේනාංක්යේ බට පිරිස් විසින් 2009 පෙබරවාරි මුල් සතියේ මෙම ස්ථානය තම ග්‍රහනයට ගත්ත්හ.
කොටි බංකරය පිලිබඳ සවිස්තරාත්මක වීඩියෝ පටය මෙතනින් නරඹන්න.

"පළමුව ආරක්ෂාව"
භූගත බංකරයේ ඇතුලින් පමණක් අගුලු ලිය හැකි වෙඩි නොවදින යකඩ දොර...
අනුන්ගේ හුස්ම හිර කරන්නට තමන්ගේ හුස්ම රැක ගැනීම...
භූගත බංකරයට ඔක්සිජන් සැපයූ සිලින්ඩරය...

රට ගින්නේ හෙලන්නට සැලසුම් සැකසීමට විඳි සිසිලස..
භූගත බංකරය තුල වායු සමීකරණය

තනි නොතනියට පුහු කොටියෙක්...
මහ කොටියාගේ සයනය අසල ඇති කොටි අනුරුව


දියවැඩියාවෙන් නම් ගැලවුනා.ඒත්......
භූගත බංකරය තුල ප්‍රභාකරන්ගේ සයනය සහ දියවැඩියා බෙහෙත් දමන උපකරණය

රට වැනසූ සැලසුම් හැදූ  කාර්යාලය..
භූගත බංකරය තුල ප්‍රභාකරන්ගේ කාර්‍යාල කාමරය....




පිය සෙනෙහසට කව් ගී ලියවුනා මදී ?
අන් දරුවන්ගේ කෙසේ වෙහත් තමන්ගේ දරුවන්ගේ සතුට පිණිස....
-කුඩා කල චාර්ල්ස් ඇන්තනී භාවිතා කල සෙල්ලම් රථය
























































































































                                       අන් දරුවන් අතට තුවක්කුව  හා බෙල්ලේ සයිනයිඩ් කරල එල්ලූ ප්‍රභාකරන් තම දරුවන් දුව ද්වාරකා සහ පුත් චාර්ල්ස් ඇන්තනී ඇති දැඩි කල අයුරු.
මහ කොටියා විසූ නිවසක්..


නූලෙන් වැරදී ගිය ගුවන් ඉලක්කය...
මහ කොටියාගේ නිවසේ වැට අසලට එල්ල කල නූලෙන් ඉලක්කය වැරදී ගිය
ගුවන් ප්‍රහාර දෙකක සලකුණු....

කොටි නිවහන අසල ගොවිතැන...
මහ කොටියාට ආහාර සැපයූවේ මෙහි සිටද?
කොටි නිවහන අසල ගොවිතැන...

වෙඩි හඬ නිහඬය...
පුදුකුඩුඉරිප්පු මංසන්ධිය


පුදුකුඩුඉරිප්පු එල්ටීටීඊ අව්සන් බලකොටුවේ තීරණාත්මක සංධිස්ථානයයි.එල්ටීටීඊයේ බලය අවසාන සමයේ කේන්ද්‍රගතවී තිබුණේ මෙම ප්‍රදේශය තුලයි.සියලුම එල්ටීටීඊ නායකයන්ගේම පාහේ නිවහන් පිහිටියේ මෙම භූමිය කේන්ද්‍ර කරගෙනයි.2009 අප්‍රේල් 58 වන සේනාංකයේ බට පිරිස් විසින් එල්ටීටී වෙඩි බලය පරදා පුදුකුඩුඉරිප්පු බලය තහවුරු කර ගත්හ.මෙම සටන් වලදී එල්ටීටී නායකයන් රැසකගේ ජීවිතද අහිමි විය.ඒ අතර තීපන් රූබන්,නාගේශ් මෙන්ම කොටි නායකයාගේ හිටපු ශරීරාක්ෂකයා වූ ගඩාෆිද සහ කොටි කාන්තා නායිකාවන් වූ දුර්ඝා සහ විදූෂා ද විය.
මේ ඒ පිළිබඳ එදා වාර්ථා කල අයුරු

කොටි මුරපොළ අද මග පෙන්වන්නට නිවහනක් වී..
පුදුකුඩුඉරිප්පු මංසන්ධියේ යුධ හමුදා තොරතුරු මධ්‍යස්ථානය.


නාන්න පමණක්ම නොවේ ...
මරාගෙන මැරෙන කොටින් පුහුණුකල සහ මහ කොටියා ගිමන් හල සිවිසල් නාන තටාකය
පුදුකුඩුඉරිප්පු...

මෙම නාන තටාකයක්ම නොවේ.මෙය එල්ටීටීඊ මාරාගෙන මැරෙන කොටින්ගේ පුහුණුවීම් සඳහාද යොදා ගෙන තිබේ.ජලය යට සිදුවන ක්‍රියාකාරකම් නිරීක්ෂණය කිරීම සඳහා ජලය යට විශේෂ කවුළු සකසා තිබේ.ගුවනට නිරීක්ෂණය නොවන පරිදි වහලකින්ද සමන්විතව නිමවා තිබූ මෙය පුදුකුඩුඉරිප්පු ගණ වනන්තරය මැද පිහිටා ඇත.2009 පෙබරවාරි 25 වන දින 58 වන සේනාංකයේ බට පිරිස් විසින් මුදා ගත්හ.
වැඩි දුර තොරතුරු..

වෙඩි හඬට හුරු වූ සියොත් කැල මිනිස් කටහඬට බය වීද?
පුදුකුඩුඉරිප්පු - පුදුමාතලන් මාර්ගය...

වෙඩි හඬට හුරු වූ කලපු බිම...

අවසන් යුධ බිමේ බාධකය...
පුදුමාතලන් කොටි පස් බැම්ම....


අවසන් යුධ බිමේ බාධකය...
පුදුමාතලන් කොටි පස් බැම්ම....


ශ්‍රී ලාංකික යුධ ඉතිහාසයේ තීරණාත්මක සංධිස්ථානයකි.පුදුමාතලන් ප්‍රදේශයේ කොටි සංවිධානය විසින් ඉදිකර අවසන් පස් බැම්මයි මේ.හමුදාව විසින් සිවිල් වැසියන් සඳහා ප්‍රකාශයට පත් කල යුධ මුක්ත කලාපය ආවරණය වන පරිදි ඉදි කර තිබූ මෙය එල්ටීටීයේ අවසන් යුධ උපක්‍රමය විය.2009 අප්‍රේල් 20 අළුයම බිද දමා යුද මුක්ත කලාපයට ඇතුළුවීමට ආරක්ෂක හමුදා සමත් විය. මෙසේ ඇතුළුවූයේ ක්‍රියාන්විතයේ නිරත 58වන සේනාංකයේ භට පිරිස්ය. පස් බැම්ම බිද දමා සිවිල් වැසියන් හට ආරක්ෂිත මාර්ගයක් විවෘත කිරීමත් සමගම සිවිල් වැසියන් 35000 ක් පමණ හමුදාව වෙත පැමිණියහ.
මෙය ලෝකයේ විශාලතම ප්‍රාණ ඇපකරුවන් මුදවා ගැනීමේ මෙහෙයුම වූ අතර මෙයින් ඉදිරියට ත්‍රස්ථවාදීන් අම්පලවන්පොක්කනෙයි,කරයාවෙල්ලිවයික්කාල්,වෙල්ලියාමුල්ලිවයික්කාල් සුළු බිම් කඩකට පමනක් කොටුවිය.
ත්‍රස්තයන් රකින්නට 'උස' මදි වූ දුකින්.?...
පුදුමාතලන් කොටි පස් බැම්ම....

පස් බැම්මබ ඔබ්බෙන් පුළුල් දර්ශනයක් සහිත හිස් බිම..
පුදුමාතලන් කොටි පස් බැම්ම....

රිහිරු හෙළු යුධ පිටිය..
අම්පලවන්පොක්කනෙයි..

උඩින් බැරිනම් යටින්....
කොටි සබ්මැරීන් අංගනය..

ත්‍රස්තයන්ට සබ්මැරීන් තාක්ෂණය ?
'සබ්මැරින්' තත්ව පරීක්ෂාවට ලක් කරන අංගනය....

අවසන් මොහොතේ මුහුදින් හෝ පැන යෑමේ අරමුණින් කොටින් විසින් ලහි ලහියේ දිය යටින් යන යානා අත් හදා බලා ඇත.මේ එවැනි යාත්‍රා තත්ව පරීක්ෂාවට ලක් කරන බිමකි.මෙම භූමියේ එවැනි යාත්‍රා කිහිපයක් නිමවෙමින් පැවතී ඇත.ෆාරා නැවෙන් කපා ගත් ලෝහමය ආවරණ යොදා මෙම තටාකය ඉදි කර ඇත.


පුදුමාතලන් - මුලතිව් මාර්ගය දිගේම..


වෙඩි හඬට හුරු වූවන්...
බිම් බෝම්බ ගැන සැලකිලිමත්වනු - කරයාමුල්ලිවයික්කාල්...
.

රූස්ස ගස් පවා වෙඩි බලය දරා ගත නොහැකිව
වෙල්ලියාමුල්ලිවයික්කාල්

වෙඩි බලයට යට වූ බිම්..
වෙල්ලියාමුල්ලිවයිකාල්

දුප්පතාගේ හිතවතා..
හිතවතා ඇත - දුප්පතා කොහිද?
දෙවියන් හැරගිය දෙවොල් බිම..
වෙල්ලියාමුල්ලිවයිකාල් හි විනාශ වී ගිය කෝවිලක්.



ත්‍රස්ත බලහත්කාරයද? විදෙස් ආධාරද?
ෆාරා 3 -සහල් නැවේ කතාව


මුහුදු කොටි බලය අවසන් කල තීරණාත්මක රණ බිමයි මේ.මුහුදුකරයෙන් 2/3 ක පමන විහිදී තිබූ කොටි නාවික බලය අවසන් වීමත් සමගම කොටි ත්‍රස්තයන්ගේ අවසන් හුස්ම හිරවිය.

කොටි මුහුදු බලය අවසන් කල අනුස්මරණීය බිම...



ෆාරා 3-සුවිසල් නැව

ෆාරා 3-සුවිසල් නැව
නිදහසේ හිරු නැගි බිමෙන් - සැඳෑ හිරු බැස යද්දී
නන්දිකඩාල්

අවසන් භෝජන සංග්‍රහය...
මහ කොටි අවසන් සංග්‍රහ බුක්ති වින්දි අවන්හල -
නන්දිකඩාල්

මහ කොටින් සඟවන්නට ඉඩ මදි වීද?
නන්දිකඩාල් කොටි භූගත බංකරයක්

දෙවියන් කොහිද?කොවිල් හංදිය
-මුලතිව් - චලෙ‍යි - පුදුකුඩුඉරිප්පු මාර්ග හමුවන තුම්මන්සල

සදා සමරමු විරු සොහොයුරෝ....
රටේ ඒකීයභාවය වෙනුවෙන් දිවි පිදූ රණ විරුවන් වෙනුවෙන්...
නන්දිකඩාල් කලපුව අබියස


තිස් වසරක ත්‍රස්තවාදය අවසන් කිරීමට වසර දෙකකට  අධික කාලයක් තිස්සේ ඇදී ගිය අවසන් යුද්ධයේ තීරණාත්මක අවසන් අවස්ථාව උදා වූයේ මෙම භූමියේයි. එල්ටීටී නායක වේලුපිල්ලේ ප්‍රභාකරන් ජීවිතක්ෂයට පත් කලේ මෙම භූමිය අසලයි.ත්‍රස්ත වියරුව නන්දිකඩාල්වල ගිල්වමින් උදා වූ දෙවන නිදහස් සටනේ අවසන් මොහොත

නිදහසේ හිරු නැගි බිමෙන් - සැඳෑ හිරු බැස යද්දී
නන්දිකඩාල්

ඡායාරූප අනුග්‍රහය:
කැලුම් , සුමිත්
 
පෙර සබැඳි පුවත්
පොල් රුප්පාවෙන් තල් රුප්පාවට I (අද කිලිනොච්චි ,පරන්තන්,අලිමංකඩ,නල්ලූර්)
පොල් රුප්පාවෙන් තල් රුප්පාවටII (නාගදීපය,අරියාලේ,කීරමලේ,දඹකොළපටුන,කැෂුරිනා වෙරළ)
  
 -කැලුම් නිරංජන
2012-02-18